{ Sifat Irodat }
dalapan irodah kersa Allah * kana nangtukeun sakabeh a'lam
kana ayana atawa teu ayana * waktu tempat ngadamel mumkin
muhal Allah teu ngersakeun * ngadamel mumkin teu di kersakeun
ari dalil anu nuduhkeun * kana irodah Allah ta a'la
lamun Allah henteu ngersakeun * henteu ngadameul sadaya mumkin
tangtu Allah ta a'la apes * sabab kena ku pamaksa
lamun Allah ta a'la apes kapan eta teh mustahil
dalil aqlina nyaeta : annahu laukana kaarihan lakana a'jizan wahuwa muhalun hartosna lamun Allah kapaksa tangtu Allah apes sedeng lamun Allah apes eta teh mustahil
dalil naqlina nyaeta : fa'alullimayyurid
hartosna ari Allah kana sakabeh pagawean eta anu ngersakeun
{ Sifat ilmu }
salapan ilmu uninga allah * kana nu wajib ayana
kana anu wenang ayana * sareng anu mustahil ayana
ka uninga ti qodim mula * muhal Allah ta a'la teu uninga
ari dalil anu nuduhkeun * kana ilmu allah ta a'la
lamun Allah ta a'la teu uninga * tangtu moal boga karep
lamun Allah teu boga karep * moal aya sakabeh alam
dalil aqlina nyaeta : wahuwa bikulli syai in qodir, hartosna sareng ari Allah kana sadaya perkara eta anu uninga
{ Sifat Hayat }
sapuluh hayat hirup Allah * lain ku nyawa lain ku getih
tapi hirup kusifat hayatna * muhal Allah ta ala maot
ari dalil anu nuduhkeun * kana hayat Allah ta a'la
lamun Allah ta a'la maot * muhal kasifatan nana
ku sifat qudrot jeung liyana * sedeng eta teh mustahil
sabab aya tapak qudrotna * nyatana ieu sakabeh alam
dalil a'qlina nyaeta :
annahu laukana mayyitan lam yakun qodiron wala muridan wala a'liman wahuwa muhalun hartosna : lamun Allah maot tangtu allah henteu kawasa, henteu kersa, henteu uninga sedengkeun eta mustahil
dalil naqlina nyaeta :
Allahu laa ilaaha illa huwal hayyul qoyyum
hartosna henteu aya deui pangeran anu maujud anu wajib di ibadahan kajaba Allah anu hirup tur jumeneng kalawan dzatna
Sebelumnya - Lanjut ke Halaman 6
